አዲስ አበባ (አዋጭ)፣ ግንቦት 28/2012 ዓ.ም

አዋጭ የገንዘብ ቁጠባና ብድር ኅብረት ሥራ ማኅበር በሀገራችን በተከሰተው የኮሮና ቫይረስ ወረርሽኝ ምክንያት ለችግር ለተጋለጡ ወገኖች ሲያደርግ የነበረውን የልገሣ መርሐ ግብር በስኬት አጠናቋል፡፡ በልገሣ ማጠቃለያ መርሐ ግብሩ ላይ አቶ ዑስማን ሱሩር የፌደራል ኅብረት ሥራ ኤጀንሲ ዋና ዳይሬክተር፣ የፌደራል ህብረት ሥራ ኤጀንሲ ከፍተኛ ኃላፊዎች፣ የአራዳ ክፍለ ከተማ ምክትል ሥራ አስፈጻሚና የክ/ከተማው ህዝብ ግንኙነት ወ/ሮ ህይወት ጉግሳ፣ የወረዳ 9 አመራሮች፣ የአዋጭ የገ/ቁ/ብ/ኅ/ሥ/ማኅበር ሥራ አስፈጻሚ ኮሚቴ ሰብሳቢ አቶ መስፍን ገ/ሥላሴ፣ የኅብረት ሥራ ማኅበራችን መሥራችና ዋና ሥራ አስኪያጅ አቶ ዘሪሁን ሸለመ እንዲሁም ጥሪ የተደረገላቸው አርቲስቶችና ጋዜጠኞች ተገኝተዋል፡፡ በዚህ ዝግጀት አቶ መስፍን ገብረ ሥላሴ የእለቱን የክብር እንግዳ አቶ ዑስማን ሥሩርን የመክፈቻ ንግግር እንዲያደርጉ የጋበዙ ሲሆን አቶ ዑስማንም በንግግራቸው ”የሀገራችን ህብረት ሥራ ማህበራት የህዝቡን የልማት ፍላጎት ማሳካት የሚያስችሉ የመንግስት የልማት ውጥኖችን ወደ መላው ህብረተሰብ ማድረሻ ተቋማት ናቸው በማለት ከነዚህም ውስጥ አንዱና ውጤታማው የህብረት ሥራ ማህበር አዋጭ መሆኑን በመጥቀስ ለወገን ደራሽነታቸውን እያረጋገጡ ካሉ ህብረት ሥራ ማህበራት መካከልም አዋጭ አንዱ ነው፡፡” ብለዋል፡፡ አዋጭ ይህንን የልገሳ መርሃ ግብር በማዘጋጀት ለወገን ደራሽነቱን በተግባር ስላሳየን ለጠቅላላው አባላቱ በፌደራል ህብረት ሥራ ኤጀንሲ ስም ከፍ ያለ ምስጋናቸውን አቅርበዋል፡፡ የአራዳ ክፍለ ከተማ ምክትል ሥራ አስፈጻሚ እና የክ/ከተማው ህዝብ ግንኙነት ወ/ሮ ህይወት ጉግሳ በበኩላቸው አዋጭ እዚህ ወረዳ ላይ እንደመመሥረቱ ከዚህ