ዜና

የድጋፍ መርሐ ግብሩ በመራዘሙ የአባላት ድጋፍ ተጠነክሮ ቀጥሏል

አዲስ አበባ (አዋጭ)፣ ግንቦት 10፣2012

በኮሮና ወረርሽኝ ምክንያት ችግር ውስጥ ለገቡ ወገኖች ለመድረስ እየተካሄደ ያለው የድጋፍ መርሐ ግብር በመራዘሙ ምክንያት የአባላት ድጋፍ ተጠናክሮ ቀጥሏል፡፡ የድጋፍ መርሐ ግብሩ በዋናው ቢሮና በቅርንጫፍ ቢሮዎች እየተካሄደ ሲሆን አባላቱ የገንዘብ ፣ የደረቅ ምግብ፣ የአፍና አፍንጫ መሸፈኛ ማስክ፣ ሳሙና እና ሌሎች አስፈላጊ ቁሳቁሶች ድጋፍ አድርገዋል፡፡
የድጋፍ መርሐ ግብሩ ልገሣ "የህብረት ክንዳችንን በማንሳት ለወገኖቻችን እንድረስ" በሚል መሪ ቃል እስከ ግንቦት 21/2012 ዓ.ም በሁሉም ቅርንጫፍ ቢሮዎቻችንና በዋናው ቢሮ ይቀጥላል ፡፡ ለወገኖቻችን እንድንደርስ በጎ ምላሽ ለሰጣችሁን እያመሰገንን እርስዎም ማህበራዊ ኃላፊነትዎን እንዲወጡ ጥሪያችንን እናቀርባለን!!

ዛሬም የኅብረት ሥራ ማህበራችን አባላት ማኅበራዊ ኃላፊነታቸውን እየተወጡ ነው

አዲስ አበባ (አዋጭ)፣ ግንቦት 01፣2012

በኮሮና ወረርሽኝ ምክንያት ችግር ውስጥ ለገቡ ወገኖች ለመድረስ በተደረገው ሀገራዊ ጥሪ መሠረት "የህብረት ክንዳችንን በማንሳት ለወገኖቻችን እንድረስ" በሚል መሪ ቃል የተዘጋጀው መርሃግብር ዛሬም ተጠናክሮ ቀጥሏል፡፡ በህብረት ሥራ ማህበራችን ዋና ቢሮ የአዋጭ የሥራ አስፈጻሚ አባላት፣ ታዋቂ አርቲስቶች፣ ህፃናት እና ሌሎችም አባላት የገንዘብ ፣ የደረቅ ምግብ፣ የአፍና አፍንጫ መሸፈኛ ማስክ፣ ሳሙና እና ሌሎች አስፈላጊ ቁሳቁሶች ድጋፍ አድርገዋል፡፡ በተጨማሪም በዕለቱ የአዋጭ ሰራተኞች ከደሞዛቸው የሚቀነስ የ25,000.00 ብር ድጋፍ አድርገዋል፡፡ ይህ የህብረት ልገሳ እስከ ግንቦት 07/2012 ዓ.ም በሁሉም ቅርንጫፍ ቢሮዎቻችንና በዋናው ቢሮ ይቆያል፡፡ ለወገኖቻችን እንድንደርስ በጎ ምላሽ ለሰጣችሁን እያመሰገንን እርሶም ማህበራዊ ኃላፊነትዎን እንዲወጡ ጥሪያችንን እናቀርባለን!!

አዋጭ የገንዘብ ቁጠባ እና ብድር ኃላፊነቱ የተወሰነ መሠረታዊ የኅብረት ሥራ ማኅበር ቅዳሜ ጥቅምት 1 ቀን 2012 ዓ.ም አመታዊውን የአዋጭ የህፃናት ቀንን በድምቀት አከበረ፡፡

አዋጭ የገንዘብ ቁጠባና ብድር ሓ/የተ/መሠ/ኅ/ሥራ ማኅበር፣ የነገ ሀገር ተረካቢ የሆኑ ሕፃናት ገና በለጋ እድሚያቸው ቁጠባን እንዲማሩ በማድረግ በኩል ከፍተኛ ሥራ እየሠራ ይገኛል፡፡ ይሄን በማስመልከት በየዓመቱ የሕፃናት የቁጠባ ቀንን ያከብራል፡፡ ስለሆነም በዚህ ዓመት ከ300 በላይ ሕፃናት እና ወላጆች በተገኙበት በሀገር ፍቅር ቴአትር አዳራሽ በደማቅ ሁኔታ ተከብሯል፡፡ በዓሉ በልዩ ልዩ የጨዋታ ሾው፣ ውድድር እና ድራማ ልጆችን በማዝናት ልዩ ድምቀት ነበረው፡፡ በዝግጀቱ ላይ የማኅበሩ መሥራችና ዋና ሥራ አስኪጅ አቶ ዘሪሁን ሸለመ ሕፃናት የነገ ሀገር ተረካቢዎች በመሆናቸው ስለቁጠባ ያላቸው ግንዛቤ እንዲያድግ ከወዲሁ ሥራ መሥራት ይኖርብናል ብለዋል፡፡ አዋጭም ይሄን ተገንዝቦ በወላጆቻቸው አማካኝነት እንዲቆጥቡ ልዩ ትኩረት አድርጎ በመንቀሳቀሱ ዛሬ ላይ ከ1,600 በላይ ሕፃናት በማኅበሩ እየቆጠቡ ይገኛሉ ሲሉ አቶ ዘሪሁን ጨምረው ገልጸዋል፡፡
ከጊዜ ወደ ጊዜ እያደገ የመጣው የማኅበሩ ካፒታል 510 ሚሊዮን ሲደርስ፣ ከዚህ ውስጥ 2 ሚሊዮኑ የሕፃናት ቁጠባ ድርሻ ነውም ብለዋል፡፡ በአጠቃላይ በየዓመቱ የቁጣባን ጥቅም የተረዱ ቤተሰቦች በልጆቻቸው ስም በአዋጭ የገንዘብ ቁጠባና ብድር ሓ/የተ/መሠ/ኅ/ሥራ ማኅበር ለልጆቻቸው የሚቆጥቡ ወላጆች ቁጥር እያደገ መጥቷል፡፡ የዘድሮውን የሕፃናት የቁጠባ ቀን ዝግጅት ተባባሪ አዘጋጅ የማክዳ ማስተወቂያ ሥራዎች በአጋፋሪነት መርቶታል፡፡

የአዋጭ የገንዘብ ቁጠባ እና ብድር ኃላ/የተ/መሠ/የኅብረት ሥራ ማኅበር አባላት እና ሠራተኞች የአረንጓዴ አሻራ የችግኝ ተከላ መርሃ ግብርን ምክንያት በማድረግ ችግኝ ተከሉ፡፡ (ሐምሌ 22 ቀን 2011 ዓ.ም አዲስ አበባ)

አዋጭ የገ/ቁ/ብ/ኃላ/የተ/መሰ/ የኅብረት ሥራ ማኅበር ሀገራዊ ኃላፊነቱን ለመወጣት በማሰብ የኅብረት ሥራ ማኅበሩን አባላት እና ሠራተኞች በማስተባበር ሐምሌ 22 ቀን 2011 ዓ.ም አረንጓዴ አሻራ በሚል መሪ ቃል በተደረገው ሃገራዊ ንቅናቄ ተሳታፊ በመሆን በአቃቂ ቃሊቲ የአረጋዊያን መርጃ መርጃ ማዕከል ቅጥር ግቢ የችግኝ ተከላ መርሃ-ግብር አካሂዷል፡፡

የአዋጭ ምስክሮች

ዓለም ዓቀፍ ዜና

አዋጭ የዓለም አቀፍ የገንዘብ ቁጠባና ብድር ቀንን በደም ልገሳ እና በተለያዩ ዝግጅቶች አከበረ

አዋጭ የገንዘብ ቁጠባና ብድር ኃ/የተ/መሰ/ የህ/ሥ/ማህበር ዓለም አቀፍ የገንዘብ ቁጠባና ብድር ቀንን አስመልክቶ ዘንድሮ በዓለም ለ70ኛ ጊዜ ለሀገራችን ለ27ኛ ጊዜ ሲከበር የዚህ ዓመት መሪ ቃልም “Find your Premium in Credit Union” ”ለላቀ ስኬት የህብረት ሥራ ማህበራት" የሚል ሲሆን አዋጭም ከጥቅምት 03 ቀን 2011 ዓ.ም. ጀምሮ በተለያዩ ዝግጅቶች እያከበረ ይገኛል፡፡

ሃገር አቀፍ ዜና

አዋጭ የቦንድ ግዢ ፈፀመ

አዋጭ የገ/ቁ/ብ/ኃላ/የተ/መሠ/የኅብረት ሥራ ማኅበር በሚያደርጋቸው ሀገራዊ እና ማኅበራዊ ተሳትፎዎች ውስጥ የሚመደበው የታላቁ የኢትዮጲያ ህዳሴ ግድብ ቦንድ ግዢ አንዱ መሆኑ ይታወቃል፡፡ የኅብረት ስራ ማኅበሩ ባለፉት አመታት በድምሩ የአንድ ሚሊዮን ሃምሳ ሺህ ብር ቦንድ መግዛቱ የሚታወስ ሲሆን በዚህ በጀት አመትም የተጀመረውን ሃገራዊ እንቅስቃሴ ለመደገፍ እና የተቀዛቀዘውን የቦንድ ግዢ እንዲነሳሳ አርዓያ ለመሆን በማሰብ የግማሽ ሚሊዮን ብር የቦንድ ግዢ ፈፅሟል፡፡

የአዋጭ የምስክር ወረቀቶች እና ሽልማቶች

 

 

 

 

ቅርንጫፎች

ዋና መስሪያ ቤት (አዋሬ)
አጋር ህንፃ 2ኛ ፎቅ
ስልክ +251-11-557-97-98/57  
    +251-11-557-88-89/57 
    +251-11-557-98-99 
    +251-11-868-47-44
ኢሜል saccawach@gmail.com
ፖስታ ሳጥን ቁጥር 34752
ፌስ ቡክ ገፅ Awach SACCOS Ltd    

አዲስ አበባ

ቤልኤር ቅርንጫፍ
(አቤኔዘር ሕንፃ 2ተኛ ፎቅ) 
ስልክ +251-111-26-05-06
ስልክ +251-118-12-44-44/43/44

አራት ኪሎ ቅርንጫፍ
ስልክ  +251-111-56-49-92

ስድስት ኪሎ ቅርንጫፍ 
(ሊደርሽፕ ሕንፃ 3ተኛ ፎቅ)
 ስልክ +251-118-68-55-98

ስታዲዩም ቅርንጫፍ
(የሓ ሕንፃ 1ተኛ ፎቅ)
ስልክ+251-118-12-44-13

ልደታ ቅርንጫፍ 
(ኤ አይ ኤ ሕንፃ 2ተኛ ፎቅ)
ስልክ +251-118-68-55-97

ጀሞ ቅርንጫፍ
(ኤክስፕረስ ፕላዛ ሕንፃ 1ተኛ ፎቅ)
ስልክ +251-113-698-86-83

አዲሱ ገቢያ
(ጃምቦ ሕንፃ 3ተኛ ፎቅ) 
ስልክ+251-115-54-74-40

ሰዓሊተ-ምሕረት
(ድራር ሞል ሕንፃ 1ተኛ ፎቅ
ስልክ +251- 116-73-20-11

ክልል

ቢሾፍቱ ቅርንጫፍ 
+251-118-12-42-42

ጫንጮ ቅርንጫፍ
+251-118-12-43-44