አዋጭ የዓለም አቀፍ የገንዘብ ቁጠባና ብድር ቀንን በደም ልገሳ እና በተለያዩ ዝግጅቶች አከበረ

አዋጭ የገንዘብ ቁጠባና ብድር ኃ/የተ/መሰ/ የህ/ሥ/ማህበር ዓለም አቀፍ የገንዘብ ቁጠባና ብድር ቀንን አስመልክቶ ዘንድሮ በዓለም ለ70ኛ ጊዜ ለሀገራችን ለ27ኛ ጊዜ ሲከበር የዚህ ዓመት መሪ ቃልም “Find your Premium in Credit Union” ”ለላቀ ስኬት የህብረት ሥራ ማህበራት" የሚል ሲሆን አዋጭም ከጥቅምት 03 ቀን 2011 ዓ.ም. ጀምሮ በተለያዩ ዝግጅቶች እያከበረ ይገኛል፡፡
በተጨማሪም ጥቅምት 08 ቀን 2011 ዓ.ም. በህብረት ሥራ ማህበሩ ስድስት ኪሎ ቅርንጫፍ ቢሮ ውስጥ "ከቁጠባዎች ሁሉ የላቀ ቁጠባ ለወገን ህይወት….” በሚል መሪ ቃል ዕለቱን ደም በመለገስ አክብሯል፡፡ በዚህ በጎ ተግባር በተከናወነበት ዕለት የህብረት ሥራ ማህበሩ አባላት፣ ሠራተኞች እና አመራሮች ሲገኙ 47 ከሚሆኑ በጎ ፈቃደኞች ደም ተለግሷል፡፡ በዕለቱ ከበጎ ፈቃድ ደም ልገሳው ጎን ለጎን በህብረት ሥራ ማህበሩ የተዘጋጀው የቡና ጠጡ ፕሮግራም በአባላት መካከል የእርስ በእርስ ትውውቅን የፈጠረ ሲሆን በቀጣይ ይህንን በጎ ዓላማ ህብረት ሥራ ማህበሩ አጠናክሮ ሊቀጥል እንደሚገባ በሥፍራው የተገኙ ተሳታፊዎች (በጎ ፈቃደኞች) አሳስበዋል፡፡